火燒旺地

5-12

大師話Ricky今日要向南走一走....所以我地約左係赤柱bbq....本黎約好十一點中環等....等知我地兩口子訓到十一點佢地打黎先識醒....之後匆匆忙忙咁攪好d野....又係的士出動....

去到赤柱....佢地好似話岩岩食左d野....之後去左超市買野....之後行左一條好長好長既路先到bbq場....個沙灘真係幾細....不過天氣好好....個景都唔錯....

係咁燒燒下....隔離無啦啦出現一班女....阿肥同Ricky超人上身幫人地透爐....呵呵呵....真係有d運行喎....

夜晚返去元朗同媽咪果邊既家族食飯....送左一朿花比媽咪....佢好似好開心咁....不過比好多人咋形....呵呵呵....做壞左規舉添....

之後返屋企....同老婆一齊....

心有靈犀

5-9

今日本黎諗住早d返....點知最後都係訓到差唔多十二點....出到尖咀都差唔多成點半....尋晚話出糧食餐好....所以今日就同何太去左美麗華食自助餐....二人世界....正....

之後又係winning既世界....今日唔係好掂....算吧....打打下機何太話悶咪上返公司囉....上到公司....又無野好做....又要等阿妹....最後又係去返打winning....打到阿妹黎又上返公司....之後走果時見到叔叔....佢d笑容有d野喎....唔理喇....行得正企得正....怕咩呀

之後我又去返新港打機....開左張新卡....用老婆仔個名....不過我竟然唔慣用返d屎波仔....贏唔到....到九點左右....諗住返屋企....一路行去搭巴士....一路打比老婆....點知咁岩佢又去左新港搵我....呵呵呵....心有靈犀呀....

之後去返一間我好耐無去既La Luck食野....真係好耐無去喇....阿Pat走左之後去得一次咁大把....不過d待應重記得我喎....半年去得一次咁多都記得....我諗或者可以返去食多d....

P.S. 有人舊病復發....我總有一日會令妳有百分百既信心....妳要知道世上既天使只有妳一個....

青衣真係....

5-6

今日訓到差唔多點幾兩點....起左身之後搵一搵阿肥....點知佢無上大陸....咁我同何太咪返佢屋企....係樓下小巴黎食左個麵....之後就搭小巴去青衣....去到真係發現果度真係....乜都無....好荒蕪囉....

返到屋企訓多陣就起身....岩岩好睇AC米蘭對科倫天拿....死球証....Kaka果球明明無犯規....之後Kaka又唔生性....不過球十二碼佢已經射得好靚喇....中內柱唔入真係無運....點都好宜家留返d力係歐聯決賽....報返兩年前既仇....同係今年係咁比人係咁批評....讓大家知道FoRza MiLan....

之後又去左篤波....臨尾果板下絕命封cut黑柴真係有d料到....呵呵呵....

迷煙....中左

5-5

今日訓得好差....可能知道今日要入機場....尋晚四點幾先訓....六點半開始就係咁醒....同無訓無咩分別....

最後十一點起左身....攪到十二點幾先出門口....一點要入到機場喎....咁點....又要揚手....不過都好今日都有好多得著....但之後有人話上左大陸....咁我咪上去搵佢囉....驚佢有事麻....點知真係錯曬....

上左大陸咁耐既我都中招....唔知係唔係迷煙....但我明明知果d係假錢點解我會收....成二千蚊嫁....唯有努力d下個月搵返四千蚊補返....

今日真係發現我大洗左好多好多....宜家要改改....多左個人要我養....我會比心機搵錢嫁喇....放心做妳既少奶奶吧....呵呵呵....

三日兩夜南丫島之旅

5/2-5/4

三日兩夜既camp....好正....又係我最鍾意既南丫島....比我估中今次間屋正正係上年同我d中六七同學去過果間....好彩今次個屎坑無上年咁臭唔係就死囉....

第一日入到去都無咩野特別....不過夜晚bbq好正....但係燒完野食....有人就鼻敏感....我就有d傷風....結果無去到沙灘睇星星....係咁訓....

第二日一早有人衝入房話白馬生入緊黎....其實佢入黎又點....最多咪比人拮拮降頭仔....唔通佢打我咩....點睇佢都唔夠我好打啦....照訓可也....

終於到左一點鍾我地先起曬身....出返大街食飯....之後就去沙灘玩....不過真係好驚嚇....游游下水我副眼鏡竟然係海度唔見左....大鑊....乜都睇唔到....搵左差唔多半個鍾....自己都灰左....點知Suki姐幫我搵返....真係好開心....副野用左兩個月都無嫁....唔該曬....

夜晚去左我好鍾意既壽記食....龍蝦，榚蟹，聖子，炒蚧....好正....其實我真係好想有一日可以一家四口入去食飯....但係咁多年黎真正四個人一齊既時間有幾多....唔好講唔開心野先....

跟住返到入屋，訓左一陣....之後出返廳吹水....阿妹....希望妳聽我地講....其實係camp入面咁多個都真心對妳好....妳唔洗覺得攪住我地....我地真係好錫妳....有咩就同我地講....記住老哥同妳講....做人最緊要愛自己....

凌晨三點幾....有人去廁所....我咁醒訓梗係醒啦....終於講左果個想講五次既野.....呵呵呵....咁又多左個何太喇....

最後一日....出返香港前係係南丫島飲左個早(其實都唔早)茶....算係了左妳一個心願吧....

P.S. 今晚去左睇五月天演唱會....我一首佢地既歌都唔識....不過人個演唱會d氣氛真係正....